Siri: ಬಿಗ್ ಬಾಸ್ ಇದು ಕನ್ನಡದ ಅತಿದೊಡ್ಡ ಮತ್ತು ಅತಿಹೆಚ್ಚು ಬೇಡಿಕೆ ಇರುವ ರಿಯಾಲಿಟಿ ಶೋ ಎಂದರೆ ತಪ್ಪಲ್ಲ. ಈ ಶೋ ಶುರುವಾಗುತ್ತೆ ಎಂದರೆ ಕನ್ನಡ ಕಿರುತೆರೆ ವೀಕ್ಷಕರು ಕಾಯುತ್ತಾ ಇರುತ್ತಾರೆ. ನಿನ್ನೆಯಷ್ಟೇ ಬಿಗ್ ಬಾಸ್ ಕನ್ನಡ ಸೀಸನ್ 10 ಶುರುವಾಗಿ 6 ವಾರಗಳ ಕಾಲ ಮುಗಿದಿದೆ. ನಿನ್ನೆಯಷ್ಟೇ ಎಲಿಮಿನೇಷನ್ ನಡೆದು ಡಬಲ್ ಎಲಿಮಿನೇಷನ್ ನಲ್ಲಿ ಇಶಾನಿ ಮತ್ತು ಭಾಗ್ಯಶ್ರೀ ಎಲಿಮಿನೇಟ್ ಆಗಿ ಮನೆಯಿಂದ ಹೊರಬಂದಿದ್ದಾರೆ..
ಈ ಸೀಸನ್ ನಲ್ಲಿ 7ನೇ ಸ್ಪರ್ಧಿಯಾಗಿ ಮನೆಯೊಳಗೆ ಎಂಟ್ರಿ ಕೊಟ್ಟವರು ನಟಿ ಸಿರಿಜಾ. ಇವರ ಬಗ್ಗೆ ಹೊಸದಾಗಿ ಪರಿಚಯ ಮಾಡಿಕೊಡುವ ಅಗತ್ಯವಿಲ್ಲ. ಸಿರಿಜಾ ಅವರು 20 ವರ್ಷಗಳಿಂದ ಕನ್ನಡ ಕಿರುತೆರೆ ಮತ್ತು ಬೆಳ್ಳಿತೆರೆ ಎರಡರಲ್ಲೂ ಸಕ್ರಿಯವಾಗಿದ್ದಾರೆ. ಬಹಳ ಚಿಕ್ಕವಯಸ್ಸಿಗೆ ನಟನೆ ಶುರು ಮಾಡಿದ ಸಿರಿಜಾ ಅವರು ಅಂಬಿಕಾ, ರಂಗೋಲಿ, ಮನೆಯೊಂದು ಮೂರು ಬಾಗಿಲು, ಬಂದೆ ಬರುತಾವ ಕಾಲ ಸೇರಿದಂತೆ ಸಾಕಷ್ಟು ಧಾರವಾಹಿಗಳಲ್ಲಿ ನಟಿಸಿದ್ದಾರೆ..
ಹಾಗೆಯೇ ಸುದೀಪ್ ಅವರೊಡನೆ ಚಂದು, ಸಾಹಸಸಿಂಹ ವಿಷ್ಣುವರ್ಧನ್ ಅವರ ಸಿಂಹಾದ್ರಿಯ ಸಿಂಹ ಸೇರಿದಂತೆ ಕೆಲವು ಕನ್ನಡ ಮತ್ತು ತೆಲುಗು ಸಿನಿಮಾಗಳಲ್ಲಿ ಕೂಡ ನಟಿಸಿದ್ದಾರೆ ಸಿರಿ. ಇತ್ತೀಚೆಗೆ ಕಲರ್ಸ್ ಕನ್ನಡ ವಾಹಿನಿಯ ರಾಮಾಚಾರಿ ಧಾರವಾಹಿಯಲ್ಲಿ ಶರ್ಮಿಳಾ ಪಾತ್ರದಲ್ಲಿ ನಟಿಸುತ್ತಿದ್ದರು. ಇದ್ದಕ್ಕಿದ್ದ ಹಾಗೆ ಧಾರವಾಹಿ ಇಂದಲೂ ಹೊರಬಂದಿದ್ದರು. ಇದೀಗ ಸಿರಿ ಅವರು ಬಿಗ್ ಬಾಸ್ ಮನೆಗೆ ಎಂಟ್ರಿ ಕೊಟ್ಟಿದ್ದಾರೆ.
ಸಿರಿ ಅವರ ಬಗ್ಗೆ ಆಸಕ್ತಿದಾಯಕ ವಿಚಾರ ಏನು ಎಂದರೆ, ಸಿರಿಜಾ ಅವರ ವಯಸ್ಸು 40 ದಾಟಿದ್ದರು ಕೂಡ ಅವರಿನ್ನು ಮದುವೆಯಾಗಿಲ್ಲ, ಇನ್ನು ಸಿಂಗಲ್ ಆಗಿಯೇ ಇದ್ದಾರೆ. ಇನ್ನು ಯಾಕೆ ಮದುವೆ ಆಗಿಲ್ಲ ಎನ್ನುವ ಪ್ರಶ್ನೆಗೆ ಖುದ್ಧು ಸಿರಿ ಅವರೇ ಉತ್ತರ ನೀಡಿ, ತಮ್ಮ ತಂದೆ ಹೋದಾಗಿನಿಂದ, ತಮಗೆ ಗಂಡ ಎನ್ನುವುದಕ್ಕಿಂತ ಮನೆಗೆ ಮಗನಾಗಿ ಇರುವಂತಹ ಹುಡುಗ ಬೇಕು ಎಂದು ಅನ್ನಿಸಿತಂತೆ. ಆದರೆ ಅಂಥ ಹುಡುಗ ಸಿಗದ ಕಾರಣ ಸಿರಿ ಅವರು ಮದುವೆಯಾಗಿಲ್ಲ.
ಆದರೆ ಸಿರಿ ಅವರ ತಂಗಿ ಅಕ್ಕ ಯಾಕೆ ಮದುವೆ ಆಗಿಲ್ಲ ಎಂದು ತಿಳಿಸಿದ್ದಾರೆ. ಸಿರಿ ಅವರ ತಂಗಿಗೆ ಮದುವೆಯಾಗಿ ಗಂಡ ವಿಚಾರದಲ್ಲಿ ಬಹಳಷ್ಟು ಕಷ್ಟ ನಷ್ಟಗಳನ್ನು ಅನುಭವಿಸಿದರಂತೆ. ಅದನ್ನೆಲ್ಲ ಸಿರಿ ಅವರು ಹತ್ತಿರದಲ್ಲೇ ಇದ್ದು ನೋಡಿದ್ದ ಕಾರಣ ಅವರ ಮೇಲೆ ಆ ಘಟನೆಗಳು ಪರಿಣಾಮ ಬೀರಿರಬಹುದು, ಹಾಗೆಯೇ ಸಿರಿ ಅವರು ಬಹಳಷ್ಟು ಜನರ ಮದುವೆ ಮುರಿದು ಬಿದ್ದಿರುವುದನ್ನು ಕೂಡ ನೋಡಿದ್ದಾರಂತೆ, ಆ ಕಾರಣಕ್ಕೆ ಮದುವೆ ಆಗಬೇಕು ಎಂದು ಅವರಿಗೆ ಅನ್ನಿಸಿಲ್ಲದೆ ಇರಬಹುದು ಎಂದು ಸಿರಿ ಅವರ ತಂಗಿ ಹೇಳಿದ್ದಾರೆ.
