Get real time updates directly on you device, subscribe now.
What to eat during pregnancy for intelligent baby :ಮಗು ತುಂಬಾ ಜಾಣ ಹಾಗೂ ಚುರುಕಾಗಿರಲು ಗರ್ಭಧಾರಣೆ ವೇಳೆ ಮಹಿಳೆಯರು ಸೇವಿಸಬೇಕಾದಆಹಾರಗಳು ಗರ್ಭಧಾರಣೆ ವೇಳೆ ವೈದ್ಯರು ನಿಮಗೆ ವಿಟಮಿನ್ ಡಿ, ಫಾಲಿಕ್ ಆಮ್ಲ ಮತ್ತು ಕಬ್ಬಿನಾಂಶದ ಸಪ್ಲಿಮೆಂಟ್ ಸೇವಿಸಲು ಸೂಚಿಸುವರು. ನೀವು ಸೇವಿಸುವಂತಹ ಆಹಾರವು ಮಗುವಿನ ಬುದ್ಧಿಶಕ್ತಿ ಬೆಳವಣಿಗೆ ಮೇಲೆ ಪರಿಣಾಮ ಬೀರುವುದು.
ಜಾಣ ಮಗು ಪ್ರತಿಯೊಬ್ಬ ತಾಯಿಯ ಕನಸಾಗಿರುವುದು. ತನ್ನ ಮಗು ಎಲ್ಲರಿಗಿಂತಲೂ ತುಂಬಾ ಬುದ್ಧಿವಂತವಾಗಿ ಬೆಳೆದು ದೊಡ್ಡ ಹೆಸರು, ಸಾಧನೆ ಮಾಡಬೇಕೆಂದು ತಾಯಿಯಾದವಳು ಬಯಸುವಳು. ಆದರೆ ಬುದ್ಧಿವಂತ ಮಗುವನ್ನು ಪಡೆಯಲು ಮಹಿಳೆಯರು ಗರ್ಭ ಧರಿಸುವ ವೇಳೆಯೇ ತಯಾರು ಮಾಡಿಕೊಳ್ಳಬೇಕು. ಯಾಕೆಂದರೆ ಈ ವೇಳೆ ಮಗುವಿನ ಬೆಳವಣಿಗೆ ಸರಿಯಾದ ರೀತಿಯಲ್ಲಿ ಆದರೆ ಆಗ ಖಂಡಿತವಾಗಿಯೂ ಮಗು ಬುದ್ಧಿವಂತವಾಗಿ ಬೆಳೆಯುವುದು.
ಮಗು ಪ್ರಾಥಮಿಕ ಹಂತದಲ್ಲೇ ಕಲಿಯುವದಲ್ಲಿ ಹಾಗೂ ಇತರ ಚಟುವಟಿಕೆಗಳಲ್ಲಿ ತುಂಬಾ ಮುಂದಿರುವುದು ಮಾತ್ರವಲ್ಲದೆ ಯಾವುದೇ ಪಠ್ಯವನ್ನು ಕಲಿಯಲು ಅದಕ್ಕೆ ಕಷ್ಟವಾಗದು. ಮಗು ತರಗತಿಯಲ್ಲಿ ಮಾಡಿದಂತಹ ಪಾಠವನ್ನು ಬೇಗನೆ ಗ್ರಹಿಸಿ ಕೊಳ್ಳುವುದು. ಇದಕ್ಕಾಗಿ ನೀವು ಮಗುವಿಗೆ ಭ್ರೂಣದಲ್ಲಿ ಕೆಲವೊಂದು ಪೌಷ್ಠಿಕ ಆಹಾರವನ್ನು ಒದಗಿಸಬೇಕು. ಗರ್ಭಧಾರಣೆ ವೇಳೆ ನೀವು ಸೇವಿಸುವಂತಹ ಕೆಲವೊಂದು ಆಹಾರಗಳು ಖಂಡಿತವಾಗಿಯೂ ಮಗುವನ್ನು ನೈಸರ್ಗಿಕವಾಗಿ ತುಂಬಾ ಜಾಣ ಮತ್ತು ಅದರ ಐಕ್ಯೂ ಕೂಡ ಉನ್ನತ ಮಟ್ಟದಲ್ಲಿ ಇರುವುದು. ಗರ್ಭಧಾರಣೆ ವೇಳೆ ಸೇವಿಸಬೇಕಾದ ಹತ್ತು ಆಹಾರಗಳು ಯಾವುದು ಎಂದು ನೀವು ಈ ಲೇಖನದ ಮೂಲಕ ತಿಳಿಯಿರಿ.
ಮಗು ತುಂಬಾ ಜಾಣ ಹಾಗೂ ಚುರುಕಾಗಿರಲು ಗರ್ಭಧಾರಣೆ ವೇಳೆ ಮಹಿಳೆಯರು ಸೇವಿಸಬೇಕಾದ ಆಹಾರಗಳು ಗರ್ಭಧಾರಣೆ ವೇಳೆ ವೈದ್ಯರು ನಿಮಗೆ ವಿಟಮಿನ್ ಡಿ, ಫಾಲಿಕ್ ಆಮ್ಲ ಮತ್ತು ಕಬ್ಬಿನಾಂಶದ ಸಪ್ಲಿಮೆಂಟ್ ಸೇವಿಸಲು ಸೂಚಿಸುವರು. ನೀವು ಸೇವಿಸುವಂತಹ ಆಹಾರವು ಮಗುವಿನ ಬುದ್ಧಿಶಕ್ತಿ ಬೆಳವಣಿಗೆ ಮೇಲೆ ಪರಿಣಾಮ ಬೀರುವುದು. ಯಾವ ಆಹಾರ ಸೇವಿಸಿದರೆ ಮಗುವ ಬುದ್ಧಿವಂತವಾಗಿರಲಿದೆ ಎಂದು ನೀವು ಮುಂದೆ ಓದುತ್ತಾ ತಿಳಿಯಿರಿ.
ಕೊಬ್ಬಿನಾಂಶವಿರುವ ಮೀನು
ಭ್ರೂಣದಲ್ಲಿರುವ ಮಗುವಿನ ಬೆಳವಣಿಗೆಗೆ ಒಮೆಗಾ-3 ಕೊಬ್ಬಿನಾಮ್ಲವು ಅತೀ ಪ್ರಮುಖ ಅಂಶವಾಗಿದೆ. ಬುದ್ಧಿವಂತ ಮಗು ಬೇಕಿದ್ದರೆ ಆಗ ಗರ್ಭಿಣಿಯರು ಸಾಲ್ಮನ್ ಮೀನು ತಿನ್ನಬೇಕು. ವಾರದಲ್ಲಿ ಎರಡು ಅಥವಾ ಅದಕ್ಕಿಂತ ಹೆಚ್ಚು ಮೀನು ಸೇವಿಸಿ. ಇನ್ನು ನೀವು ಸಿಂಪಿ ಸೇವನೆ ಮಾಡಿದರೆ ಅದರಲ್ಲಿ ಅಧಿಕ ಐಯೋಡಿನ್ ಅಂಶವಿದೆ. ಗರ್ಭಿಣಿಯರ ದೇಹದಲ್ಲಿ ಐಯೋಡಿನ್ ಪ್ರಮಾಣವು ಕಡಿಮೆ ಇದ್ದರೆ ಆಗ ಅದು ಮಗುವಿನ ಬುದ್ಧಿಶಕ್ತಿ ಮೇಲೆ ನಕಾರಾತ್ಮಕ ಪರಿಣಾಮ ಬೀರುವುದು. ಇದರಿಂದ ಸಿಂಪಿ ಸೇವನೆ ಮಾಡಿ ಐಯೋಡಿನ್ ನ್ನು ದೇಹದಲ್ಲಿ ಸಮ ಪ್ರಮಾಣದಲ್ಲಿ ಇಟ್ಟುಕೊಳ್ಳಬೇಕು.
ಹಸಿರೆಲೆ ತರಕಾರಿಗಳು
ಹಸಿರೆಲೆ ತರಕಾರಿಗಳು ಫಾಲಿಕ್ ಆಮ್ಲದಿಂದ ಸಮೃದ್ಧವಾಗಿದೆ. ಹಸಿರೆಲೆ ತರಕಾರಿಗಳು ಮತ್ತು ಕೆಲವೊಂದು ಧಾನ್ಯಗಳನ್ನು ಸೇವಿಸುವ ಕಾರಣದಿಂದಾಗಿ ಇದು ಮಗುವಿನ ಮೆದುಳನ್ನು ಅಂಗಾಂಶಗಳಿಗೆ ಹಾನಿಯಾಗದಂತೆ ರಕ್ಷಿಸುವುದು. ಫಾಲಿಕ್ ಆಮ್ಲವು ಹಲವಾರು ರೀತಿಯ ಜನನ ಸಂಬಂಧಿ ವಿಕಲಾಂಗತೆಯನ್ನು ದೂರ ಮಾಡುವುದು. ಉದಾಹರಣೆಗೆ ಸೀಳು ತುಟಿ ಮತ್ತು ಇತರ ಕೆಲವು ಹೃದಯ ಸಂಬಂಧಿ ಕಾಯಿಲೆಗಳು. ಪ್ರಿಕ್ಲಾಂಪ್ಸಿಯಾ ಸಮಸ್ಯೆ ತಗ್ಗಿಸುವುದು. ಗರ್ಭಧಾರಣೆ ವೇಳೆ ಫಾಲಿಕ್ ಆಮ್ಲವು ಹೆಚ್ಚಿರುವಂತಹ ಆಹಾರ ಸೇವನೆ ಮಾಡಲು ಒತ್ತು ನೀಡಿ.
ಬ್ಲೂ ಬೆರ್ರಿಗಳು
ಬ್ಲೂ ಬೆರ್ರಿಗಳಲ್ಲಿ ಉನ್ನತ ಮಟ್ಟದ ಆಂಟಿ ಆಕ್ಸಿಡೆಂಟ್ ಗಳು ಇದ್ದು, ಇದು ಮಗುವಿನ ಅರಿವಿನ ಬೆಳವಣಿಗೆಗೆ ನೆರವಾಗುವುದು. ಸ್ಟ್ರಾಬೆರ್ರಿಗಳು, ರಸ್ಬೇರಿ, ಬ್ಲ್ಯಾಕ್ ಬೆರ್ರಿ, ಟೊಮೆಟೊ, ಬೀನ್ಸ್ ಮತ್ತು ಪಲ್ಲೆಹೂ ಸೇವಿಸಬಹುದು.
ಮೊಟ್ಟೆ
ದಿನಕ್ಕೊಂದು ಮೊಟ್ಟೆ ತಿಂದರೆ ಆರೋಗ್ಯಕ್ಕೆ ತುಂಬಾ ಒಳ್ಳೆಯದು ಎಂದು ಹೇಳಲಾಗುತ್ತದೆ. ಮೊಟ್ಟೆಯಲ್ಲಿ ಅಧಿಕ ಮಟ್ಟದ ಪ್ರೋಟೀನ್ ಮತ್ತು ಕ್ಯಾಲರಿ ಕಡಿಮೆ ಇದೆ. ಬೇಯಿಸಿದ ಮೊಟ್ಟೆ ಸೇವನೆ ಆರೋಗ್ಯಕಾರಿ. ಇದರಲ್ಲಿ ಚೊಲಿನ್ ಎನ್ನುವಂತಹ ಅಮಿನೊ ಆಮ್ಲವಿದೆದ್ದು, ಮೆದುಳಿನ ಬೆಳವಣಿಗೆ ಮತ್ತು ಜ್ಞಾಪಕ ಶಕ್ತಿ ಹೆಚ್ಚಿಸಲು ಇದು ಪರಿಣಾಮಕಾರಿ. ಪ್ಯಾಶ್ಚರೀಕರಿಸದ ಮೊಟ್ಟೆಯನ್ನು ಸೇವಿಸಿ. ಯಾಕೆಂದರೆ ಪ್ಯಾಶ್ಚರೀಕರಿಸಿದ ಮೊಟ್ಟೆಯಲ್ಲಿ ಬ್ಯಾಕ್ಟೀರಿಯಾ ಅಧಿಕವಾಗಿ ಇರುವುದು.
ಬಾದಾಮಿ
ಬಾದಾಮಿಯಲ್ಲಿ ಆರೋಗ್ಯಕಾರಿ ಕೊಬ್ಬು, ಮೆಗ್ನಿಶಿಯಂ, ವಿಟಮಿನ್ ಇ ಮತ್ತು ಪ್ರೋಟೀನ್ ಸಮೃದ್ಧವಾಗಿದೆ. ಇದರಲ್ಲಿ ಇರುವಂತಹ ಒಮೆಗಾ-3 ಕೊಬ್ಬಿನಾಮ್ಲವು ಮೆದುಳಿಗೆ ಶಕ್ತಿ ನೀಡುವುದು. ಪ್ರತಿನಿತ್ಯ ಕೆಲವು ಬಾದಾಮಿ ತಿಂದರೆ ಆಗ ಆರೋಗ್ಯಕಾರಿ ಹಾಗೂ ಬುದ್ಧಿವಂತ ಮಗುವಿನ ಜನನವಾಗುವುದು. ನೆಲಗಡಲೆ ತಿಂದರೂ ಅದರಿಂದ ಮಗುವಿನ ಮೆದುಳಿನ ಬೆಳವಣಿಗೆಗೆ
ನೆರವಾಗುವುದು. ಒಮೆಗಾ-3 ಸಮೃದ್ಧವಾಗಿರುವಂತಹ ವಾಲ್ ನಟ್ಸ್ ಕೂಡ ಸೇವಿಸಬಹುದು.
ಮೊಸರು
ಮಗುವಿನ ಮೆದುಳಿನ ಬೆಳವಣಿಗೆ ಆಗಬೇಕಾದರೆ ಆಗ ಆರೋಗ್ಯಕಾರಿ ನರಗಳು ತಾಯಿಯ ಭ್ರೂಣದಲ್ಲಿ ನಿರ್ಮಾಣಗೊಳ್ಳುವುದು ಅತೀ ಅಗತ್ಯವಾಗಿರುವುದು. ಮೊಸರಿನಂತಹ ಪ್ರೊಬಯೊಟಿಕ್ ಇರುವ ಆಹಾರವು ಅದ್ಭುತವಾಗಿ ಕೆಲಸ ಮಾಡುವುದು ಮಾತ್ರವಲ್ಲದೆ, ಮಗುವಿನ ಮೂಳೆಗಳ ಬೆಳವಣಿಗೆಗೆ ಬೇಕಾಗುವ ಕ್ಯಾಲ್ಸಿಯಂ ಕೂಡ ಒದಗಿಸುವುದು. ಮೊಸರಿನಲ್ಲಿ ಐಯೋಡಿನ್ ಅಂಶವು ಸಮೃದ್ಧವಾಗಿದ್ದು, ಈ ಕಾರಣದಿಂದಾಗಿ ಮಗು ಕಡಿಮೆ ತೂಕ ಹೊಂದಿ ಜನಿಸುವುದು ತಪ್ಪುವುದು.
ಚೀಸ್
ಮೆದುಳಿನ ಬೆಳವಣಿಗೆಯಲ್ಲಿ ವಿಟಮಿನ್ ಡಿ ಪ್ರಮುಖ ಪಾತ್ರ ವಹಿಸುವುದು. ವಿಟಮಿನ್ ಡಿ ಕೊರತೆ ಇರುವಂತಹ ತಾಯಂದಿರ ಮಕ್ಕಳ ಐಕ್ಯೂ ಮಟ್ಟವು ಕಡಿಮೆ ಇರುವುದು. ಆರೋಗ್ಯಕಾರಿ ಐಕ್ಯೂ ಹೊಂದಿರುವ ಚುರುಕಾಗಿರುವ ಮಗು ಬೇಕಿದ್ದರೆ ಆಗ ನೀವು ಚೀಸ್ ಸೇವಿಸಿ.
ಕುಂಬಳಕಾಯಿ ಬೀಜ
ಕುಂಬಳಕಾಯಿ ಬೀಜದ್ಲಿ ಉನ್ನತ ಮಟ್ಟದ ಸತುವಿನ ಅಂಶವಿದೆ. ಮೆದುಳಿನ ಸರಿಯಾದ ವಿನ್ಯಾಸ ಮತ್ತು ಮಾಹಿತಿ ಪಡೆಯಲು ಅರಿವಿನ ಸರಿಯಾದ ಪ್ರಕ್ರಿಯೆಗೆ ಇದು ನೆರವಾಗುವುದು. ಇದು ಪೋಷಕಾಂಶಗಳಿಂದ ಸಮೃದ್ಧವಾಗಿದೆ ಮತ್ತು ಆಂಟಿಆಕ್ಸಿಡೆಂಟ್ ಕೂಡ ಉನ್ನತ ಮಟ್ಟದಲ್ಲಿ ಇದೆ.
ಬೀನ್ಸ್
ಮಗುವಿನ ಮೆದುಳಿಗೆ ಆಮ್ಲಜನಕ ತಲುಪಿಸಲು ನರಕೋಶಗಳಿಗೆ ಅಗತ್ಯವಾಗಿ ಕಬ್ಬಿನಾಂಶವು ಬೇಕಾಗಿದೆ. ಬೀನ್ಸ್ ನಲ್ಲಿ ಉನ್ನತ ಮಟ್ಟದ ಕಬ್ಬಿನಾಂಶವಿದೆ. ಗರ್ಭಿಣಿಯರಿಗೆ ಹೆಚ್ಚಾಗಿ ಕಬ್ಬಿನಾಂಶ ಅಧಿಕವಾಗಿ ಇರುವಂತಹ ಆಹಾರ ಸೇವಿಸಲು ಸೂಚಿಸಲಾಗುತ್ತದೆ. ಕಬ್ಬಿನಾಂಶವು ಅಧಿಕ ವಾಗಿರುವಂತಹ ಇತರ ಕೆಲವು ಆಹಾರಗಳೆಂದರೆ ಬಸಳೆ, ಕೋಳಿ ಮಾಂಸ, ಅಂಜೂರ, ಒಣ ದ್ರಾಕ್ಷಿ ಇತ್ಯಾದಿಗಳು. ಒಣದ್ರಾಕ್ಷಿ ಯನ್ನು ಮಿತ ಪ್ರಮಾಣದಲ್ಲಿ ಸೇವನೆ ಮಾಡಿದರೆ ಆಗ ಸಕ್ಕರೆ ಮಟ್ಟವನ್ನು ಕಾಪಾಡಿ ಕೊಳ್ಳಬಹುದು.
ಹಾಲು
ಗರ್ಭಿಣಿಯರಲ್ಲಿ ಕಬ್ಬಿನಾಂಶದ ಕೊರತೆಯಾದರೆ ಆಗ ಮಗುವಿನ ಮಾನಸಿಕ ಬೆಳವಣಿಗೆಯು ಕುಂಠಿತವಾಗುವುದು ಮತ್ತು ಮಗುವಿನ ಮೆದುಳಿನ ಬೆಳವಣಿಗೆ ಮೇಲೆ ಸಂಪೂರ್ಣ ಪರಿಣಾಮ ಬೀರುವುದು. ಹಾಲು ಅರಿವಿನ ಕಾರ್ಯಗಳ ಬೆಳವಣಿಗೆಗೆ ನೆರವಾಗುವುದು ಮತ್ತು ಮಗುವಿನ ಮೆದುಳಿನ ಬೆಳವಣಿಗೆಗೆ ನೆರವಾಗುವುದು.
ಸಲಹೆಗಳು
ಗರ್ಭಧಾರಣೆ ವೇಳೆ ನೀವು ಏನು ತಿನ್ನುತ್ತೀರಿ ಎನ್ನುವುದು ಮಗುವಿನ ಬೆಳವಣಿಗೆ ಮೇಲೆ ಪರಿಣಾಮ ಬೀರುವುದು. ಇದರಿಂದ ತಿನ್ನುವ ಆಹಾರದ ಬಗ್ಗ ಗಮನಹರಿಸಿ.
ಬಾಯಿಗೆ ಹಾಕುವಂತಹ ಪ್ರತಿಯೊಂದು ಆಹಾರ ಬಗ್ಗೆ ಗಮನವಿಡಿ ಮತ್ತು ಬುದ್ಧಿವಂತ ಮಗು ಪಡೆಯಲು ನೀವು ತಾಜಾ ಹಾಗೂ ಸಾವಯ ಆಹಾರ ಸೇವನೆಗೆ ಹೆಚ್ಚು ಗಮನಹರಿಸಿ.
ಸಂಸ್ಕರಿತ ಆಹಾರ, ಸಕ್ಕರೆ ಪ್ರಮಾಣ ಹೆಚ್ಚಿರುವುದು ಮತ್ತು ಆಲ್ಕೋಹಾಲ್, ಧೂಮಪಾನ ಮತ್ತು ಅನಾರೋಗ್ಯಕರ ಜೀವಶೈಲಿಗೆ ಕಾರಣವಾಗುವುದನ್ನು ಬಿಟ್ಟುಬಿಡಿ.
ಹಸಿ ಮಾಂಸ, ಪಾದರಸವಿರುವ ಮೀನು, ಹಸಿ ಚಿಪ್ಪು ಮೀನು, ಕೆಫಿನ್ ಆಹಾರವನ್ನು ಕಲುಷಿತಗೊಳಿಸಲಬಹುದು. ಇದರಿಂದಾಗಿ ಯಾವುದೇ ಸಮಸ್ಯೆ ಕಾಣಿಸಿಕೊಂಡು ಗರ್ಭಪಾತವಾಗಲೂ ಬಹುದು.
ಹಣ್ಣು ಹಾಗೂ ತರಕಾರಿಗಳನ್ನು ಕತ್ತರಿಸುವ ಮೊದಲೇ ಸರಿಯಾಗಿ ತೊಳೆಯಿರಿ. ಕೀಟಾಣುಗಳನ್ನು ಸರಿಯಾಗಿ ತೆಗೆಯದೆ ಇದ್ದರೆ ಆಗ ಅದು ಕತ್ತರಿಸುವ ವೇಳೆ ತರಕಾರಿ ಹಾಗೂ ಹಣ್ಣುಗಳಲ್ಲಿ ಸೇರಿಕೊಳ್ಳಬಹುದು. ಇದರಿಂದ ನಿಮಗೆ ಹಾಗೂ ಮಗುವಿಗೆ ಸಮಸ್ಯೆಯಾಗ ಬಹುದು.
ನಿಮಗೆ ಹಣ್ಣು ಹಾಗೂ ತರಕಾರಿಗಳನ್ನು ಹೆಚ್ಚು ಸೇವಿಸಬೇಕು ಎಂದಿದ್ದರೆ ಆಗ ನೀವು ಇದನ್ನು ಬೇರೆ ಖಾದ್ಯದ ಜತೆಗೆ ಸೇರಿಸಿಕೊಳ್ಳಬಹುದು. ತರಕಾರಿಯನ್ನು ಆಮ್ಲೇಟ್ ಗೆ ಹಾಕಿಕೊಳ್ಳಿ ಮತ್ತು ಹಣ್ಣುಗಳನ್ನು ಕತ್ತರಿಸಿಕೊಂಡು ಓಟ್ ಮೀಲ್ ಜತೆಗೆ ಸೇವಿಸಿ. ಇದರಿಂದ ಹಣ್ಣು ಹಾಗೂ ತರಕಾರಿಗಳು ನಿಮ್ಮ ಆಹಾರ ಕ್ರಮದಲ್ಲಿ ಸರಿಯಾಗಿ ಸೇರ್ಪಡೆಯಾಗುವುದು. ನೀವು
ತಾಜಾ ಹಣ್ಣುಗಳಿಂದ ಜ್ಯೂಸ್ ತಯಾರಿಸಿಕೊಂಡು ಕುಡಿಯಬಹುದು.
ಕಬ್ಬಿನಾಂಶ, ವಿಟಮಿನ್ ಡಿ ಮತ್ತು ಫಾಲಿಕ್ ಆಮ್ಲದ ಮಟ್ಟವು ತುಂಬಾ ಕಡಿಮೆ ಇದ್ದರೆ ಆಗ ನೀವು ಇದ ಸಪ್ಲಿಮೆಂಟ್ ಸೇವನೆ ಮಾಡಬಹುದು. ಇದಕ್ಕೆ ಮೊದಲು ನೀವು ವೈದ್ಯರನ್ನು ಸಂಪರ್ಕಿಸಿ ಅವರಿಂದ ಸಲಹೆ ಪಡೆದುಕೊಳ್ಳಿ.
ಈ ಎಲ್ಲಾ ಸಲಹೆಗಳನ್ನು ಪಾಲಿಸಿಕೊಂಡು ಹೋದರೆ ನಿಮಗೆ ಹುಟ್ಟುವ ಮಗುವು ಖಂಡಿತ ವಾಗಿಯೂ ಆರೋಗ್ಯಕಾರಿ ಹಾಗೂ ಬುದ್ಧಿವಂತವಾಗಿರುವುದು. ತಪ್ಪದೆ ಗರ್ಭಿಣಿಯರು ಈ ಆಹಾರಗಳನ್ನು ಸೇವಿಸಿ.
